کراچی ( پاک ترک نیوز) کراچی کے علاقے احسن آباد میں میں فلیٹ سے گزشتہ روز میاں بیوی اور تین بچوں کی لاشیں ملنے کے واقعے میں اہم پیش رفت سامنے آگئی۔پولیس حکام کے مطابق ڈاکٹر عمر کی اہلیہ اور ایک بیٹی کی شناخت کرلی گئی ہے۔ اہلیہ کی شناخت مہوش جبکہ بیٹی کی شناخت زینب کے نام سے ہوئی ہے۔پولیس کے مطابق جاں بحق ہونے والی دیگر دو بیٹیوں کی تاحال شناخت نہیں ہوسکی، جبکہ لاشیں وصول کرنے کے لیے بھی اب تک کسی نے رابطہ نہیں کیا۔پولیس حکام کا کہنا ہے کہ اپنی جانب سے کوشش کی جارہی ہے کہ جاں بحق افراد کے ورثا سے رابطہ ہوسکے۔
یہ بھی پڑھیں: تحریک انصاف کے 2کارکنوں کا 10 روزہ جسمانی ریمانڈ منظور،5 جیل منتقل
پولیس کے مطابق ڈاکٹر عمر کا آبائی تعلق بہاولنگر سے ہے، جبکہ ان کے ایک بھائی نے ڈاکٹر عمر سے لاتعلقی کا اظہار کیا تھا۔پولیس حکام کے مطابق پانچوں افراد کا پوسٹ مارٹم گزشتہ روز کرلیا گیا تھا، جبکہ لاشوں سے حاصل کیے گئے نمونے کیمیائی تجزیے کے لیے بھیج دیے گئے ہیں۔پولیس کا کہنا ہے کہ بظاہر جاں بحق افراد پر کسی قسم کے تشدد کے نشانات نہیں ملے، تاہم واقعے کی مزید تحقیقات جاری ہیں۔
