اسلام آباد ( پاک ترک نیوز) انسدادِ دہشت گردی عدالت اسلام آباد نے پی ٹی آئی رہنماؤں اور کارکنان کے خلاف 26 نومبر احتجاج کیس میں دو کارکنان کا 10 روزہ جسمانی ریمانڈ منظور کرلیا۔انسدادِ دہشت گردی عدالت کے جج ابوالحسنات محمد ذوالقرنین نے کیس کی سماعت کی۔ پولیس کی جانب سے ملزمان سے تفتیش کے لیے 30 روزہ جسمانی ریمانڈ کی استدعا کی گئی۔عدالت نے پولیس کی استدعا جزوی طور پر منظور کرتے ہوئے دونوں ملزمان کا 10 روزہ جسمانی ریمانڈ منظور کرلیا۔پی ٹی آئی رہنماؤں اور کارکنان کے خلاف مقدمہ تھانہ کھنہ میں درج ہے۔
دوسری جانب 15 فروری کو پی ٹی آئی ارکانِ اسمبلی اور کارکنان کی جانب سے شاہراہِ دستور پر احتجاج کے معاملے پر بھی انسدادِ دہشت گردی عدالت میں سماعت ہوئی۔پولیس نے مقدمے میں گرفتار 5 پی ٹی آئی کارکنان کو عدالت میں پیش کیا۔ کیس کی سماعت انسدادِ دہشت گردی عدالت کے جج طاہر عباس سپرا نے کی۔پولیس نے ملزمان کی شناخت پریڈ کے لیے انہیں جوڈیشل ریمانڈ پر جیل بھیجنے کی استدعا کی، جسے عدالت نے منظور کرلیا۔عدالت نے پانچوں ملزمان کو شناخت پریڈ کے لیے اڈیالہ جیل بھیجنے کا حکم دے دیا۔
یہ بھی پڑھیں: مسجد الحرام کے مؤذن شیخ ابراہیم المدنی انتقال کرگئے
پولیس کے مطابق پی ٹی آئی کارکنان کو تھانہ سیکریٹریٹ میں درج مقدمے میں گرفتار کیا گیا ہے۔
