تہران ( پاک ترک نیوز) ایرانی صدر مسعود پزشکیان نے کہا ہے کہ ایران اقوام متحدہ کے جوہری معائنہ کاروں کو دوبارہ ملک میں داخلے اور جوہری تنصیبات کے معائنے کی اجازت دینے کے لیے تیار ہے۔امریکی نشریاتی ادارے سے گفتگو کرتے ہوئے ایرانی صدر نے تصدیق کی کہ تہران بین الاقوامی جوہری توانائی ایجنسی کے معائنہ کاروں کو دوبارہ رسائی دینے کے معاملے پر بات چیت کے لیے تیار ہے۔ایرانی صدر سے جب معائنہ کاروں پر عائد سابقہ پابندیوں اور انہیں دوبارہ ایران میں رسائی دینے کے حوالے سے سوال کیا گیا تو مسعود پزشکیان نے کہا کہ یہ بات درست ہے۔
یہ بھی پڑھیں: پاکستان نے اقتصادی تعاون تنظیم کی وزرائے کونسل کی سربراہی سنبھال لی، اسحاق ڈار کا علاقائی تعاون پر زور
ان کا کہنا تھا کہ اگر جوہری معائنہ کار ایران آکر معائنہ کرنا چاہتے ہیں تو اس معاملے پر مذاکرات کے دوران باہمی اتفاق رائے اور معاہدے تک پہنچا جاسکتا ہے۔مسعود پزشکیان نے واضح کیا کہ معائنہ کاروں کی واپسی اور جوہری تنصیبات تک رسائی کے طریقہ کار سے متعلق معاملات مذاکرات کے ذریعے طے کیے جاسکتے ہیں۔
