لاہور(پاک ترک نیوز ) کرکٹرز امام الحق اور محمد رضوان کی نیشنل سائبر کرائم انویسٹی گیشن ایجنسی میں پیشی ہوئی ہے
ذرائع کے مطابق دونوں کرکٹرز کو انگلینڈ سیریز کے دوران ڈریسنگ روم سے معلومات لیک ہونے کے معاملے کی انکوائری کے سلسلے میں طلب کیا گیا تھا۔
دونوں کھلاڑیوں نے این سی ای آئی اے کو جواب دینے کے لیے مزید وقت مانگ لیا ہے۔
یہ بھی پڑھیں: وزیراعظم شہباز شریف 20 ستمبر کو نیویارک جائیں گے
ذرائع کے مطابق پاکستان کرکٹ بورڈ نے دونوں کھلاڑیوں کے موبائل فون این سی ای آئی اے کے حوالے کردیئے ہیں، جبکہ تحقیقات کے لیے دونوں کرکٹرز سے موبائل فون ان لاک بھی کروائے جائیں گے۔
ذرائع کا کہنا ہے کہ امام الحق اور محمد رضوان این سی ای آئی اے کو تحریری جواب جمع کروائیں گے۔
دوسری جانب پی سی بی ذرائع کا کہنا ہے کہ معاملے پر فی الحال کوئی تبصرہ نہیں کیا جائے گا، انکوائری ابھی جاری ہے، اس لیے انتظار کیا جائے۔
پی سی بی ذرائع کے مطابق کرکٹرز اور آفیشلز کے حوالے سے غیرمصدقہ اور بے بنیاد خبریں بھی چل رہی ہیں۔
