تہران ( پاک ترک نیوز) ایران کے جزیرے قشم اور سیریک میں متعدد دھماکوں کی آوازیں سنی گئی ہیں۔ایرانی سرکاری خبر رساں ادارے ارنا کے رپورٹر کے مطابق آبنائے ہرمز میں واقع قشم جزیرے پر کچھ دیر قبل ایک زور دار دھماکے کی آواز سنی گئی۔رپورٹ کے مطابق فوری طور پر یہ واضح نہیں ہوسکا کہ دھماکے کی آواز سمندر سے آئی یا قشم جزیرے کے اندر کوئی دھماکا ہوا۔
یہ بھی پڑھیں: امریکا میں وسط مدتی انتخابات کے بعد ایران سے جنگ فوری ختم ہوجائے گی، ٹرمپ کا دعویٰ
دوسری جانب ایرانی سرکاری میڈیا کا کہنا ہے کہ سیریک کے کئی علاقوں کو میزائلوں یا گولہ بارود سے نشانہ بنایا گیا ہے۔حکام کی جانب سے دھماکوں اور حملوں کی نوعیت، ممکنہ نقصانات اور جانی نقصان کے حوالے سے تاحال مزید تفصیلات سامنے نہیں آئی ہیں۔
