اسلام آباد ( پاک ترک نیوز) وزیراعظم شہباز شریف 20 ستمبر کو نیویارک روانہ ہوں گے، جہاں وہ اقوام متحدہ کی جنرل اسمبلی کے 81ویں اجلاس میں پاکستان کی نمائندگی کریں گے۔وزیراعظم شہباز شریف 25 ستمبر کو جنرل اسمبلی کے اجلاس سے خطاب کریں گے، جس میں وہ اہم عالمی اور علاقائی امور پر پاکستان کا مؤقف پیش کریں گے۔
یہ بھی پڑھیں: چین کا ڈرون ٹیکنالوجی میں نیا قدم، فضائی، زمینی اور بحری ڈرونز کو ایک ہی جنگی نظام سے جوڑنے کی تیاری
وزیراعظم امریکی صدر ڈونلڈ ٹرمپ کی جانب سے دی جانے والی استقبالیہ تقریب میں بھی شرکت کریں گے۔وزیراعظم کے ہمراہ نائب وزیراعظم و وزیر خارجہ اسحاق ڈار، وزیر اطلاعات و نشریات عطا تارڑ سمیت اعلیٰ سطح کا وفد ہوگا۔
دورہ نیویارک کے دوران نائب وزیراعظم اسحاق ڈار کی مختلف ممالک کے ہم منصبوں سے اہم ملاقاتیں بھی متوقع ہیں، جن میں دوطرفہ تعلقات اور علاقائی و عالمی اہمیت کے امور پر تبادلہ خیال کیا جائے گا۔
