صنعا( پاک ترک نیوز) سعودی عرب میں حوثیوں کے میزائل اور ڈرون حملوں کے نتیجے میں 13 شہری زخمی ہوگئے، جبکہ سات مکانات اور دو گاڑیوں کو نقصان پہنچا۔سعودی فوجی اتحاد کے ترجمان میجر جنرل ترکی کے مطابق خمیس مشیط، ابہا اور طائف میں شہری تنصیبات کو حوثیوں کے حملوں میں نشانہ بنایا گیا۔دوسری جانب حوثیوں نے دعویٰ کیا ہے کہ ان حملوں میں طیاروں کے ہینگرز، ریڈار نظام، رن ویز اور اسلحے کے ڈپو کو نشانہ بنایا گیا۔
یہ بھی پڑھیں: امریکی بی ٹو بمبار نے پہلی بار بحری جہاز شکن میزائل داغ کر تاریخ رقم کر دی
ادھر یمن میں بھی حوثیوں کے حملوں میں تیزی آگئی ہے، جہاں مزید دو جزیروں پر قبضے کا دعویٰ کیا گیا ہے۔مغربی یمن میں حوثیوں کے میزائل حملوں میں حکومتی فورسز کے آٹھ فوجی ہلاک ہوگئے، جس کے بعد یمن میں جاری کشیدگی مزید بڑھ گئی ہے۔
