لاہور میں تیز بارش اور ژالہ باری

لاہور( پاک ترک نیوز ) لاہور کے مختلف علاقوں میں گرج چمک کے ساتھ موسلا دھار بارش سے موسم بدل گیا ،کہیں کہیں اولے بھی پڑے ، تیز بارش سے نشیبی علاقوں میں پانی جمع ہو گیا ، ادھر این ڈی ایم اے کے نیشنل ایمرجنسیز آپریشن سینٹر نے آج سے5اپریل تک ملک بھر میں گرج چمک کے ساتھ بارش کا الرٹ جاری کر دیا،پنجاب ،بلوچستان ،خیبر پختونخوا میں بارش ،تیز آندھی اور کہیں کہیں ژالہ باری کا امکان ہے،بلوچستان اور خیبرپختونخوا کے پہاڑی علاقوں میں لینڈ سلائیڈنگ کا بھی خدشہ ہے ،شہری غیر ضروری سفر سے گریز کریں، تیز ہوا اور طوفان کے دوران درختوں،کمزور تعمیرات اورتنصیبات سے دور رہیں