کراچی (پاک ترک نیوز )گورنر اسٹیٹ بینک کا کہنا ہے اسٹیٹ بینک کی اصلاحات سے زرمبادلہ ذخائر میں بہتری آئی ہے۔حوالہ ہنڈی کو کنٹرول کرنے سے لے کر ترسیلاتِ زر پر کام کیا،کراچی چیمبر میں میڈیا سے گفتگو کرتے ہوئے گورنر اسٹیٹ بینک نے کہا گزشتہ مالی سال 38 ارب ڈالر کی ترسیلات زر موصول ہوئیں،رواں مالی سال ترسیلات زر 41 ارب ڈالر سے زائد آئیں گی،رواں مالی سال کے 9 ماہ میں کرنٹ اکاؤنٹ سرپلس ہے
گورنر اسٹیٹ بینک نے کہا مالی سال 26ء کے بقیہ تین ماہ میں خام تیل کی قیمتیں کرنٹ اکاؤنٹ کو متاثر کر سکتی ہیں،رواں مالی سال مجموعی کرنٹ اکاؤنٹ کم ترین خسارے میں رہے گا۔اسٹیٹ بینک کا تخمینہ ہے کہ کرنٹ اکاؤنٹ 0 سے 1 فیصد خسارے میں رہے گا۔
گورنر اسٹیٹ بینک نے کہا تین سال میں پاکستان کے زرمبادلہ ذخائر 3 ارب ڈالر سے بڑھ کر 17 ارب ڈالر ہو گئے،اسٹیٹ بینک نے کوشش کی ہے کہ بیرونی قرضوں کو کنٹرول میں رکھا جائے،4 سال قبل حکومت اور اسٹیٹ بینک کا مجموعی بیرونی قرضہ 102 ارب ڈالر تھا
زرمبادلہ ذخائر 3 ارب ڈالر سے بڑھ کر 17 ارب ڈالر ہو گئے،گورنر اسٹیٹ بینک
