لاہور( پاک ترک نیوز) ڈی آئی جی ٹریفک پنجاب محمد وقاص نذیر نے ای چالان نادہندگان کے خلاف بھرپور کارروائی کا فیصلہ کر لیا ، یکم جولائی سے ای چالان نادہندگان کے خلاف سخت کارروائیوں کا آغاز ہوگا۔
ترجمان کے مطابق ای چالان نادہندگان کے خلاف زیرو ٹالرنس پالیسی کے تحت بلاامتیاز کارروائی ہو گی۔ ٹریفک پولیس ون ایپ سے موقع پر ای چالان کی تصدیق کرتی ہے۔ صوبہ پنجاب میں ای چالان نادہندگان سے ریکوری ٹریفک ون ایپ سے موثر بنائی جارہی ہے۔
ترجمان کے مطابق شہری ای چالان کی تفصیلات پنجاب سیف سٹی کی ویب سائٹ سے حاصل کریں۔ آن لائن فراڈ اور جعل سازوں سے بچیں ای چالان کی تصدیق صرف پنجاب سیف سٹی کی ویب سائٹ سے کریں۔
یہ بھی پڑھیں: لاہور میں شہری کے نام پر 421گاڑیاں ،رکشے اور موٹر سائیکلیں رجسٹرڈ
ترجمان کے مطابق پنجاب سیف سٹی ای چالان کی ادائیگی کے لیے کوئی آن لائن لنک ارسال نہیں کرتا ۔شہری اپنے ای چالان کی بروقت ادائیگی یقینی بنائیں اور قانونی کارروائی سے بچیں۔ پنجاب میں قانون شکنوں کے خلاف سخت کاروائی ہوگی سڑکوں پر نظم و ضبط کو یقینی بنائیں گے ۔ٹریفک قوانین کی پابندی سے محفوظ سفر ممکن ہے۔
