اسلام آباد ( پاک ترک نیوز) وزیراعظم شہبازشریف کا کہنا ہےملکی معیشت کو بڑے چیلنجز کا سامنا کرنا پڑا،پاکستان کے بہترین مفاد میں فیصلے کیے۔
قومی اقتصادی کونسل کے اجلاس میں اظہار خیال کرتے ہوئے وزیراعظ م نے کہا معیشت کی ترقی میں حصہ ڈالنا ہم سب کی ذمہ داری ہے۔ وفاق اور صوبوں کے مل کر کام کیے بغیر عالمی بحران کا مقابلہ نہیں کر سکتے تھے۔
وزیراعظم نے کہا وفاق نے ہر معاملےپر سنجیدگی کے ساتھ صوبوں سے مشاورت کی۔سب نے مل کر آئی ایم ایف پروگرام پر عمل پیرا رہنے کی کوشش کی ۔ میکرو لیول پر ہماری معیشت مستحکم ہے،
وزیراعظم شہبازشریف نے کہا روز گار کے مواقع ،برآمدات ،معاشی بہتری سب کی مشترکہ ذمہ داری ہے۔
وزیراعظم نے مزید کہا آج سب سے بڑا چیلنج وفاق کے لیے اضافی وسائل فراہم کرنا ہے۔دفاع کو مضبوط بنانا سب سے بڑا چیلنج ہے۔جب تک مل کر کام نہیں کریں گے ،دہشت گردی کا ناسور ختم نہیں ہو گا
