راولپنڈی ( پاک ترک نیوز) پاکستان آرمی ایوی ایشن کا ایم آئی سیون ٹین ہیلی کاپٹر مظفر آباد میں کریش ہو گیا۔
آئی ایس پی آر کے مطابق ہیلی کاپٹر میں سوار تمام افراد شہید ہو گئے۔۔ ہیلی کاپٹر ٹیک آف کے دوران تکنیکی خرابی کا شکار ہوا۔۔۔ ریسکیو ٹیمیں جائے وقوعہ پر پہنچ گئیں ،حادثے کی وجوہات جاننے کیلئے بورڈ آف انکوائری تشکیل دے دیا گیا۔
وزیراعظم شہبازشریف نے ہیلی کاپٹر حادثے پر اظہار تعزیت کیا ہے اور شہید اہلکاروں کو خراجِ عقیدت پیش کرتے ہوئے کہا کہ پوری قوم اپنے بہادر سپوتوں کی قربانیوں کو سلام پیش کرتی ہے
وزیراعظم شہبازشریف نے شہداء کے درجات کی بلندی اور ان کے اہلِ خانہ کے لیے صبرِ جمیل کی دعا کی۔
