اسلام آباد ( پاک ترک نیوز) وزیراعظم محمد شہباز شریف نے ضلع بنوں میں دہشتگردوں کے خلاف کامیاب کارروائی پر سیکیورٹی فورسز کو خراج تحسین پیش کیا ہے۔وزیراعظم نے آپریشن میں 11 دہشتگردوں کو ہلاک کرنے پر سیکیورٹی فورسز کی بہادری اور پیشہ ورانہ صلاحیتوں کو سراہا۔وزیراعظم شہباز شریف نے کہا کہ دہشتگردی کے خلاف جنگ میں پوری قوم سیکیورٹی فورسز کے ساتھ کھڑی ہے۔
یہ بھی پڑھیں: خیبرپختونخوا اور بلوچستان میں سکیورٹی فورسز کا آپریشن، 11 دہشت گرد ہلاک
انہوں نے کہا کہ ملک سے ہر قسم کی دہشتگردی کے مکمل خاتمے کے لیے حکومت پرعزم ہے اور دہشتگردی کے ناسور کے خاتمے تک کارروائیاں جاری رکھی جائیں گی۔
