لاہور( پاک ترک نیوز) لاہور کے علاے کاہنہ میں ٹیوشن سینٹر کی چھت گرنے سے چودہ بچوں کی ہلاکت کا مقدمہ درج کر لیا گیا ۔انفورسمنٹ انسپکٹر کاشف اسلم کی مدعیت میں ایف آئی آر درج کی گئی۔
ایف آئی آر کے مطابق کمزور چھت کے نیچے ٹیوشن سنٹر بنایا گیا ، چھت پر مرمت کا کام کیا گیا۔ زیادہ وزن پڑنے سے چھت نیچے آن گری، ملبے تلے دب کر 14بچے جاں بحق ہوئے، مالک مکان سمیت تین افراد زیر حراست ہیں۔
دوسری جانب 14بچوں کی المناک موت سے علاقے کی فضا سوگوار ہو گئی۔جاں بحق ہونے والوں میں ایک ہی محلے کی آٹھ لڑکیاں اور چھ لڑکے شامل ہیں۔
یہ بھی پڑھیں: لاہور ،کاہنہ میں چھت گرنے سے جاں بحق 9بچوں کی تدفین
چودہ میں سے نو بچوں کی آہوں اور سسکیوں کے ساتھ تدفین کر دی گئی، سات بچوں کی رات کو اور دو کی صبح نماز جنازہ ادا کی گئی،نماز جنازہ میں اہل علاقہ اور عزیز و اقارب نے شرکت کی پانچ بچوں کی نماز جنازہ آج ادا کی جائے گی
