اسلام آباد ( پاک ترک نیوز) امریکی نائب صدر جے ڈی وینس فیلڈمارشل سید عاصم منیر کے معترف ہوگئے، زبردست الفاظ میں خراج تحسین پیش کیا اور فیلڈ مارشل کو بہترین سپہ سالار قرار دے دیا ۔
جے ڈی وینس کا کہناہے فیلڈمارشل نے خود کو ایک بہترین سفارتکار کے طور پر بھی منوایا ہے،، فیلڈمارشل کی مدبرانہ قیادت اور بصیرت کے بغیر ہم آج یہاں نہ ہوتے،، فیلڈمارشل شروع دن سے ہمارے ساتھ ہیں،، پاکستان کا مثبت کردار دنیا بھر میں سراہا گیا۔
جے ڈی وینس نے مزید کہا وزیراعظم اور فیلڈمارشل صدر ٹرمپ کے قریبی دوست ہیں، فیلڈمارشل کے ساتھ تین ماہ میں اتنی بات چیت ہوئی جتنی کسی اور سے نہیں ہوئی،، مشرق وسطی میں امن امریکا کی اولین ترجیح ہے۔
جے ڈی وینس نے کہا امریکا اور ایران امن و خوشحالی کے لئے مل کر کام کریں گے، لبنان میں جنگ بندی یقینی بنانے کے لئے بڑی پیش رفت دیکھی ہے، تکنیکی مذاکرات ہر اختلاف کو حل نہیں کر سکتے۔
