کرغزستان(پاک ترک نیوز )صدر آصف زرداری کے دورہ کرغزستان کے دوران ۔ پاکستان اور کرغزستان کے درمیان وفود کی سطح پر مذاکرات ہوئے ، صدر زرداری کا کہناہے پاکستان اور کرغزستان میں دوستانہ اور تاریخی تعلقات ہیں ،دونوں ملکوں کے درمیان تجارت کے فروغ کے وسیع مواقع موجود ہیں ۔
صدر آصف علی زرداری نے کہا امن اور ترقی کے لیے مل کر کام کرنا وقت کا تقاضا ہے۔ کرغزستان ایک خوبصورت ملک ہے ،یہاں آ کر خوشی ہوئی۔ مہمان نوازی پر کرغز ہم منصب اور حکومت کا شکر گزار ہوں
ٰیہ بھی پڑھیں:پاک فضائیہ نے دشمن کے 8طیارے مار گرائے ،صدر زرداری
کرغز صدر نے کہا پاکستان کے ساتھ تعلقات کو اہمیت دیتے ہیں ، پاکستان کے ساتھ بردرانہ تعلقات کو نئی بلندیوں پر لے جائیں گے ،توانائی کے شعبے میں تعاون اور کاسا 1000 منصوبے پر موثر عمل درآمد کے لیے پرعزم ہیں ۔معدنیات ،زراعت ،ٹیکسٹائل ،حلال انڈسٹری ،صحت ،آئی ٹی اور سیاحت میں تعاون بڑھائیں گے۔
استقبالیہ تقریب میں صدر آصف علی زرداری کو گارڈ آف آنر پیش۔ کرغز صدر نے پاکستانی ہم منصب کا خیرمقدم کیا، ، دونوں ملکوں کے قومی ترانے بجائے گئے۔
