اسلام آباد ( پاک ترک نیوز) یوم شہدائے پولیس منانے کا مقصد ملک کے لیے جان کا نذرانہ پیش کرنے والے عظیم سپوتوں کو خراجِ عقیدت پیش کرنا ہے۔
دہشتگردی کیخلاف جنگ میں پولیس نے ہمیشہ ہراول دستے کے طور پر اپنی ذمہ داریاں نبھائیں۔پولیس اہلکاروں نے ہمیشہ اپنی جانوں کا نذرانہ دے کر قوم کا مستقبل محفوظ اور روشن بنایا۔
فرض کی راہ میں جان کا نذرانہ پیش کرنے والے پولیس کے شہدا کی یاد میں ملک بھر میں تقاریب کا انعقاد کیا جائے گا۔
شہدائے پولیس کی قربانیوں کے اعتراف میں صدر ، وفاقی وزرا، فوجی افسران اور صوبائی پولیس سربراہان کی جانب سے شہداء کو خراج عقیدت پیش کیا جائیگا۔
یہ بھی پڑھیں: سوات خودکش دھماکہ ،تحقیقات کیلئے جے آئی ٹی قائم
ملک کے طول و عرض میں پولیس کے چاق و چوبند دستے شہداء کی قبروں اور یادگار شہداء پر سلامی پیش کرنے کیساتھ ساتھ پھولوں کی چادریں چڑھائیں گے۔
چاروں صوبوں میں پولیس کے اعلیٰ افسران شہداء کے اہلخانہ سے ملاقات کرکے میں تحائف بھی تقسیم کرینگے۔
پولیس شہداء کی یہ قربانیاں ہماری آنے والی نسلوں کیلئے مشعل راہ ہیں۔
