اسلام آباد(پاک ترک نیوز) ڈی آئی جی اسلام آباد علی وسیم نے ریپ کے جھوٹے مقدمات درج کرانے والوں کے خلاف انسدادِ زیادتی قانون کے تحت سخت قانونی کارروائی کا حکم دے دیا۔اسلام آباد پولیس کے مطابق سات مقدمات کے مدعیان اور گواہان کے خلاف کارروائی کرتے ہوئے مقدمات درج کرنے کی ہدایت کی گئی ہے۔ڈی آئی جی علی وسیم کا کہنا ہے کہ ریپ جیسے سنگین جرم کا جھوٹا الزام لگا کر ذاتی مفادات حاصل کرنے اور قانون کا ناجائز استعمال کرنے والوں کے خلاف قانونی کارروائی عمل میں لائی جائے گی۔
انہوں نے کہا کہ بڑی رقوم کے عوض ملزمان کے حق میں بیانات دے کر مقدمات خارج کروانے کے معاملات میں بھی انسدادِ زیادتی قانون کے تحت کارروائی کی جائے گی۔ڈی آئی جی اسلام آباد کے مطابق اس اقدام کا مقصد قانون کے غلط استعمال کی حوصلہ شکنی اور انصاف کی فراہمی یقینی بنانا ہے۔
یہ بھی پڑھیں: ابو کو مت بتانا مر جائیں گے ،لائبہ کا آخری میسج
علی وسیم نے کہا کہ حقیقی متاثرین کو انصاف کی فراہمی اور خواتین سمیت تمام شہریوں کے حقوق کا تحفظ اسلام آباد پولیس کی اولین ترجیح ہے۔
