ملتان ( پاک ترک نیوز) ملتان میں معصوم بچے وسیم عباس کو گاڑی تلے کچل کر قتل کرنے والا ملزم توقیر نذیر مبینہ پولیس مقابلے میں ہلاک ہوگیا۔ پولیس کے مطابق ملزم گزشتہ رات سی سی ڈی ملتان کی حراست سے فرار ہوگیا تھا۔سی سی ڈی بہاولپور کے مطابق اہلکاروں نے موٹر سائیکل پر سوار دو مشکوک افراد کو روکنے کی کوشش کی تو ملزمان نے فائرنگ شروع کردی۔ فائرنگ کے تبادلے میں ایک موٹر سائیکل سوار ہلاک ہوگیا، جس کی شناخت توقیر نذیر کے نام سے ہوئی۔
یہ بھی پڑھیں: سعودی عرب اور یمن سے حوثیوں کی ثالثی کی پیشکش کا جواب نہیں ملا ،عباس عراقچی
پولیس کے مطابق ملزم کا ساتھی فائرنگ کرتے ہوئے موقع سے فرار ہوگیا، جس کی تلاش جاری ہے۔واضح رہے کہ گزشتہ روز ملزم توقیر نذیر نے ملتان میں یتیم بچے وسیم عباس کو اپنی گاڑی تلے کچل کر قتل کردیا تھا۔ واقعے کے بعد ملزم کو حراست میں لیا گیا، تاہم وہ گزشتہ رات سی سی ڈی ملتان کی حراست سے فرار ہوگیا تھا۔
