کراچی (پاک ترک نیوز )کراچی میں شاہراہ نورجہاں پولیس نے نارتھ ناظم آباد کے علاقے قلندریہ چوک، بلاک جے کے قریب مبینہ پولیس مقابلے میں دو ڈاکوؤں کو ہلاک کر دیا۔پولیس کے مطابق قلندریہ چوک کی مرکزی سڑک پر دو مسلح ملزمان شہریوں سے لوٹ مار کر رہے تھے۔ شہری کی نشاندہی پر دورانِ گشت پولیس نے کارروائی کرتے ہوئے ملزمان کو رکنے کا اشارہ کیا۔پولیس کا کہنا ہے کہ ملزمان نے رکنے کے بجائے اہلکاروں پر فائرنگ کر دی، جس پر پولیس نے جوابی فائرنگ کی۔ فائرنگ کے تبادلے میں دونوں ملزمان ہلاک ہو گئے۔
یہ بھی پڑھیں: وائٹ ہاؤس کی پریس سیکرٹری کیٹی زکریا کو 5 روز بعد عہدے سے ہٹا دیا گیا
پولیس کے مطابق ہلاک ملزمان کے قبضے سے دو پستول، پانچ موبائل فون اور ایک 125 موٹر سائیکل برآمد ہوئی ہے۔
