انمول عرف پنکی کا جسمانی ریمانڈ ختم ،آج عدالت پیش کیا جائے گا

کراچی ( پاک ترک نیوز) کراچی میں گرفتار ڈرگ ڈیلر انمول عرف پنکی کا تین روزہ جسمانی ریمانڈ ختم ہو گیا ،ملزمہ کو آج کراچی کی عدالت میں پیش کیا جائے گا،، قائم مقام پراسکیوٹرجنرل سندھ منتظر مہدی کا کہناہے ملزمہ کے جسمانی ریمانڈ میں توسیع کی درخواست کی جائے گی ۔ ملزمہ کے مقدمات کی پیروی کے لیے پراسکیوٹرز کی ٹیم تشکیل دی گئی ،پراسکیوشن کی ٹیم انمول عرف پنکی کے کیسز کو ترجیحی بنیادوں پر دیکھے گی۔
ادھر کراچی میں گرفتار پنکی کی لاہور میں فائلیں کھلنے لگیں،، چار مقدمات میں سنگین الزامات کی انکوائری شروع کر دی گئی، ایک ہی نام ریکارڈ میں آیا، انمول عرف پنکی،، لیکن کارروائی کہیں نظر نہ آئی،، 2024میں ملزمہ صابراں گرفتار ہوئی،، 20گرام کوکین برآمد ہوئی، نام پنکی کا ہی نکلا مگر ملزمہ پھر بھی پولیس سے بچ گئی،، ملزمہ کا بھائی ناصر 22مئی 2022میں اقبال ٹاؤن کے ہما بلاک سے دو کلو منشیات سمیت گرفتار ہوا،، مگر بری ہوگیا،، 2019میں پنکی کے لئے کام کرنے والا ملزم سزا سے نہ بچ سکا مگر پنکی کے خلاف کارروائی نہیں ہوئی،،