کراچی ( پاک ترک نیوز) کوکین کوئین کے نام سے مشہور انمول عرف پنکی اور دیگر کے خلاف منشیات کیس میں اہم پیش رفت ہوئی ہے۔ جیل حکام نے ملزمہ انمول عرف پنکی کو ویڈیو لنک کے ذریعے عدالت میں پیش کردیا۔
کراچی کی عدالت نے ملزمہ کے بھائی محمد ناصر اور شریک ملزمہ نسیم بی بی کی عدم حاضری پر سخت برہمی کا اظہار کرتے ہوئے دونوں کے ناقابل ضمانت وارنٹ گرفتاری جاری کردیئے۔عدالت نے تفتیشی افسر کو حکم دیا کہ محمد ناصر اور نسیم بی بی کو گرفتار کرکے آئندہ سماعت پر عدالت کے روبرو پیش کیا جائے۔عدالت نے تفتیشی افسر سے مقدمے کا چالان بھی آئندہ سماعت پر طلب کرلیا۔کیس کی مزید سماعت اگست کے آخری ہفتے تک ملتوی کردی گئی۔
یہ بھی پڑھیں: مکھی کے دماغ کا مکمل نقشہ تیار، سائنسدان بھی حیران!
پراسیکیوشن کے مطابق مقدمے میں انمول عرف پنکی، اس کے بھائی محمد ناصر اور نسیم بی بی نامزد ہیں، جبکہ تینوں پر منشیات فروخت کرنے کا الزام ہے۔پراسیکیوشن کے مطابق ملزمان کے خلاف 2019 میں اینٹی نارکوٹکس فورس نے مقدمہ درج کیا تھا۔ کیس میں قانونی کارروائی مزید جاری ہے۔
