کراچی(پاک ترک نیوز) پاکستان کرکٹ ٹیم کے دورۂ بنگلا دیش کے سلسلے میں قومی اسکواڈ کا دوسرا دستہ بھی کراچی سے ڈھاکہ کے لیے روانہ ہو گیا۔ قومی ٹیم براستہ دبئی بنگلا دیش پہنچے گی۔
پی سی بی کے مطابق دوسرے گروپ میں محمد حارث، حسن نواز، عباس آفریدی، صاحبزادہ فرحان، سفیان مقیم، حسین طلعت، احمد دانیال، سلمان مرزا اور سپورٹ اسٹاف کے ارکان شامل ہیں۔
یاد رہے کہ پاکستان اور بنگلہ دیش کے درمیان تین ٹی ٹوئنٹی انٹرنیشنل میچوں پر مشتمل سیریز کا آغاز 20 جولائی سے ہوگا۔ سیریز کے تمام میچز ڈھاکہ کے شیرِ بنگلہ نیشنل سٹیڈیم میں کھیلے جائیں گے۔
دورۂ بنگلا دیش، قومی سکواڈ کا دوسرا دستہ بھی ڈھاکہ روانہ
