برسبین ( پاک ترک نیوز) انگلینڈ کرکٹ ٹیم کے لیجنڈ بلے باز جو روٹ نے ایشز سیریز میں پنک بال ٹیسٹ کی مخالفت کردی۔
تفصیلات کے مطابق برسبین میں 4 دسمبر سے شیڈول ایشز سیریز کے دوسرے ٹیسٹ میچ سے متعلق میڈیا سے گفتگو میں جو روٹ سے سوال کیا گیا کہ کیا ایشز میں پنک بال ٹیسٹ ضروری ہے؟
جو روٹ نے کہا کہ ڈے نائٹ ٹیسٹ آسٹریلیا میں بہت کامیاب اور مقبول ہے اور آسٹریلوی ٹیم کا بھی اس حوالے سے ریکارڈ شاندار ہے۔ اسی لیے ہمیں یہاں ایک ایسا میچ ضرور کھیلنا پڑتا ہے جس کا ہمیں دو سال پہلے ہی معلوم ہوتا ہے۔
ان کا مزید کہنا تھا کہ میری ذاتی رائے میں ایشز سیریز میں پنک بال ٹیسٹ نہیں ہونا چاہیے لیکن اس کا یہ مطلب نہیں کہ اس کی موجودگی غلط ہے یا یہ یہاں ہونا ہی نہیں چاہیے۔
یاد رہے کہ آسٹریلیا اور انگلینڈ کے درمیان ایشز سیریز کا برسبین میں شیڈول دوسرا ٹیسٹ میچ ڈے نائٹ ہوگا جس کا آغاز 4 دسمبر سے ہوگا۔
جو روٹ نے ایشز سیریز میں پنک بال ٹیسٹ کی مخالفت کردی
