واشنگٹن ( پاک ترک نیوز) ایران نے امریکا کے ساتھ قطر کے ذریعے بالواسطہ سفارتی رابطوں کی تصدیق کردی۔ ایرانی وزیر خارجہ عباس عراقچی کا کہنا ہے کہ آبنائے ہرمز کھولنے کے لیے ایران کے سات نکاتی منصوبے پر قطر کی ثالثی میں مشاورت جاری ہے۔روسی ٹی وی کو انٹرویو میں عباس عراقچی نے دعویٰ کیا کہ اگر ایران کی شرائط تسلیم کرلی جائیں تو منصوبے پر صرف دو روز میں عمل درآمد ہوسکتا ہے۔
یہ بھی پڑھیں: سعودی عرب پر حوثی ملیشیا کا میزائل اور ڈرون حملہ ناکام
ایرانی وزیر خارجہ نے خطے کے ممالک پر زور دیا کہ وہ ایران کے خلاف کسی نئی امریکی جنگ کی حمایت کرنے کے بجائے واشنگٹن کو جنگ سے روکنے اور کشیدگی کم کرنے میں کردار ادا کریں۔عباس عراقچی کے مطابق ایران نے خلیجی ممالک کو نہیں بلکہ خطے میں موجود امریکی فوجی اڈوں کو نشانہ بنایا، جبکہ حملوں سے متعلق پیشگی اطلاع بھی دے دی گئی تھی۔
