واشنگٹن(پاک ترک نیوز) امریکہ کے صدر ڈونلڈ ٹرمپ کا کہناہے کہ ایران کے پاس معاہدے کے سوا کوئی راستہ نہیں بچا ہے ۔
تفصیلات کے مطابق ایران کو معاہدہ کرنے کی تنبیہ کرتے ہوئے امریکی صدر ڈونلڈ ٹرمپ کا کہنا تھا کہ کہ امریکا ایران کے معاملے کو زیادہ دیر تک طول نہیں دینا چاہتا اور یہ تنازع جلد کسی نہ کسی صورت میں اپنے انجام کو پہنچ جائے گا۔
ٹرمپ نے کہاکہ ایران کو امریکا کے ساتھ معاہدہ کرنا ہوگا کیونکہ تہران کے پاس دوسرا کوئی راستہ نہیں بچا ہے بصورت دیگر واشنگٹن خود اس معاملے کو جلد نمٹا دے گا۔
ان کے بقول امریکا اور اسرائیل کی ایران کے خلاف جاری جنگ بھی زیادہ عرصے تک نہیں چلے گی اور جلد ختم ہونے کی توقع ہے۔
یہ بھی پڑھیں: مولانا فضل الرحمان سے اختلافات رہے، لیکن بات اس نہج تک کبھی نہیں پہنچی، خواجہ آصف
امریکی صدر نے مزید کہا کہ وہ انسانی جانوں کے ضیاع کو روکنے اور لوگوں کی زندگیاں بچانے کی کوشش کررہے ہیں، تاہم ایک وقت ایسا بھی آسکتا ہے جب سخت فوجی کارروائی ناگزیر ہوجائے۔
امریکی صدر کے بیان سے ظاہر ہوتا ہے کہ واشنگٹن ایک طرف ایران پر معاہدے کے لیے دباؤ بڑھا رہا ہے تو دوسری جانب فوجی کارروائی کا آپشن بھی برقرار رکھنا چاہتا ہے۔
