تہران(پاک ترک نیوز ) ایران نے برطانیہ کی بحری اور فضائی افواج کو دہشت گرد تنظیمیں قرار دے دیا، جبکہ برطانوی خفیہ ایجنسی ایم آئی 6 کو بھی دشمن گروپ قرار دے دیا ہے۔
عرب میڈیا کے مطابق ایرانی وزارت خارجہ کا کہنا ہے کہ یہ فیصلہ امریکی اور اسرائیلی جنگ میں برطانیہ کی حمایت اور ایران مخالف اقدامات کے ردعمل میں کیا گیا ہے۔
ایرانی وزارت خارجہ کے مطابق ملک کی قومی سلامتی اور مفادات کے تحفظ کے لیے ضروری اقدامات کرنے کا عزم رکھتے ہیں۔
دوسری جانب برطانیہ نے رواں سال جولائی میں ایرانی پاسدارانِ انقلاب کو اپنی قومی سلامتی کے لیے خطرہ قرار دیا تھا۔
برطانوی فیصلے کے تحت ملک میں پاسدارانِ انقلاب کی مدد کرنے والوں کو 14 سال تک قید کی سزا ہو سکتی ہے۔
