اسلام آباد ( پاک ترک نیوز) وزیر مملکت برائے داخلہ طلال چودھری نے کہا ہے کہ حکومت نے کبھی بات چیت سے گریز نہیں کیا اور نہ ہی مذاکرات کے معاملے پر انا کو آڑے آنے دیا۔پارلیمنٹ ہاؤس میں گفتگو کرتے ہوئے طلال چوہدری نے کہا کہ پیپلز پارٹی اور مسلم لیگ ن نے ہمیشہ مسائل کو بات چیت کے ذریعے حل کرنے کی کوشش کی ہے۔انہوں نے کہا کہ حکومت سمجھتی ہے کہ مسائل کے حل کے لیے مذاکرات اور سیاسی مکالمہ ضروری ہے، بات چیت کے دروازے بند نہیں کیے گئے۔
یہ بھی پڑھیں: حکومت کی جانب سے کل ملاقات کا پیغام موصول ہوا، جسے قبول کرلیا، بیرسٹر گوہر
طلال چوہدری نے امید ظاہر کی کہ اپوزیشن بھی مذاکرات کے اس موقع کو ضائع نہیں کرے گی۔وزیر مملکت برائے داخلہ کا کہنا تھا کہ سیاسی معاملات کو بات چیت کے ذریعے آگے بڑھانے سے ہی مسائل کا حل تلاش کیا جاسکتا ہے۔
