اسلام آباد (پاک ترک نیوز )وفاقی وزیر اطلاعات عطا تارڑ نے کہا ہے کہ خیبرپختونخوا دہشت گردی کی آگ میں جل رہا ہے، لیکن صوبائی قیادت کی توجہ ایک قیدی کی رہائی پر ہے۔
انہوں نے الزام عائد کیا کہ خیبرپختونخوا حکومت دہشت گردی کے تدارک میں ناکام رہی اور افغانستان سے ہونے والی فائرنگ کی بھی مذمت نہیں کی۔
عطا تارڑ نے کہا پی ٹی آئی کو فیصلہ کرنا ہوگا پاکستان کے
ساتھ رہنا ہے یا افغانستان کے ساتھ،عطا تارڑ نے سوال اٹھایا کہ انسداد دہشت گردی کے لیے ملنے والے اربوں روپے کہاں خرچ کیے گئے۔
وزیر مملکت داخلہ طلال چوہدری نے بھی پی ٹی آئی کے افغانستان سے متعلق مؤقف اور خیبرپختونخوا میں پولیس سے متعلق اقدامات پر سوالات اٹھائے۔
