راولپنڈی ( پاک ترک نیوز) افغان طالبان کی جانب سے پاکستان میں داخل ہونے والے 8 ڈرونز پاک فوج کے فعال فضائی دفاعی نظام نے مار گرائے۔
سکیورٹی ذرائع کا کہنا ہے کہ 4 ڈرونز طورخم سرحد سے ملحقہ علاقوں میں جبکہ 4 ڈرونز کوہاٹ سے متصل سرحدی پہاڑی علاقوں میں گرائے گئے۔ذرائع کے مطابق افواج پاکستان اور پاک فضائیہ نے عوامی مقامات کو نشانہ بنانے کی مبینہ کوشش ناکام بنادی۔سکیورٹی ذرائع نے دعویٰ کیا ہے کہ ڈرونز کی یہ دراندازی افغان طالبان کی جانب سے دہشت گرد عناصر کی معاونت اور سرپرستی کا ایک اور ثبوت ہے۔
یہ بھی پڑھیں: بلوچستان میں انسانی اسمگلنگ کی کوشش ناکام ،خواتین اور بچوں سے 103غیر قانونی افغان باشندے گرفتار
سکیورٹی ذرائع کے مطابق پاکستان کی مسلح افواج ملکی فضائی حدود اور سرحدوں کے دفاع کے لیے مکمل طور پر چوکس ہیں اور کسی بھی ممکنہ خطرے سے نمٹنے کے لیے تیار ہیں۔
