کوئٹہ ( پاک ترک نیوز) بلوچستان کے ضلع شیرانی کے علاقے دانا سر بائی پاس میں سکیورٹی فورسز نے کامیاب کارروائی کرتے ہوئے انسانی اسمگلنگ کی کوشش ناکام بنا دی۔سکیورٹی ذرائع کے مطابق کارروائی کے دوران خواتین اور بچوں سمیت 103 غیر قانونی افغان باشندوں کو حراست میں لیا گیا۔حکام کے مطابق گرفتار افغان باشندے انسانی اسمگلروں کے ذریعے پاکستان کے راستے ایران اور پھر یورپ جانے کی کوشش کر رہے تھے۔حراست میں لیے گئے تمام افراد کو مزید قانونی کارروائی کے لیے متعلقہ پولیس حکام کے حوالے کردیا گیا ہے۔
یہ بھی پڑھیں: عوام کو اشتعال دلانے کیلئے علیمہ خان کا گمراہ کن کردار
سکیورٹی ذرائع کے مطابق گزشتہ ایک ہفتے کے دوران غیر قانونی افغان باشندوں کے خلاف کارروائیوں میں حراست میں لیے گئے افراد کی مجموعی تعداد 129 ہوگئی ہے۔سکیورٹی فورسز کی جانب سے سرحدی علاقوں میں انسانی اسمگلنگ اور غیر قانونی نقل و حرکت کے خلاف مؤثر کارروائیوں کا سلسلہ جاری ہے۔سکیورٹی ذرائع کا کہنا ہے کہ سرحدی علاقوں میں غیر قانونی آمد و رفت روکنے اور قانون کی عملداری یقینی بنانے کے لیے اقدامات کیے جا رہے ہیں۔
