راولپنڈی ( پاک ترک نیوز) مستونگ کے علاقے کنک وادی میں سکیورٹی فورسز نے بھرپور کارروائی کرتے ہوئے 9 دہشت گردوں کو ہلاک کردیا۔سکیورٹی ذرائع کا کہنا ہے کہ فتنۃ الخوارج سے تعلق رکھنے والے دہشت گردوں نے کنک وادی میں سکیورٹی چوکی پر حملے کی کوشش کی۔سکیورٹی فورسز نے فوری اور مؤثر کارروائی کرتے ہوئے 2 دہشت گردوں کو ہلاک کردیا، جبکہ فرار ہونے والے دہشت گردوں کا تعاقب کیا گیا۔تعاقب کے دوران مزید 7 دہشت گردوں کو ہلاک کردیا گیا۔
یہ بھی پڑھیں: پاک فوج نے افغانستان سے آنے والے 8ڈرونز مار گرائے
سکیورٹی ذرائع کے مطابق ہلاک دہشت گردوں کے قبضے سے 3 موٹر سائیکلیں، بھاری مقدار میں اسلحہ اور گولہ بارود بھی برآمد کیا گیا۔شدید فائرنگ کے تبادلے میں سکیورٹی فورسز کا ایک جوان بھی زخمی ہوا، جسے طبی امداد کے لیے اسپتال منتقل کردیا گیا۔سکیورٹی ذرائع کے مطابق بلوچستان میں دہشت گردوں کے خلاف کارروائیاں آخری دہشت گرد کے خاتمے تک جاری رہیں گی۔
