اسلام آباد ( پاک ترک نیوز) صدر مملکت آصف علی زرداری نے ہائی کورٹس میں ایڈیشنل ججز کی تقرری اور بعض ایڈیشنل ججز کی بطور مستقل ججز توثیق کی منظوری دے دی۔
صدر مملکت کی جانب سے لاہور ہائی کورٹ، سندھ ہائی کورٹ، پشاور ہائی کورٹ، اسلام آباد ہائی کورٹ اور بلوچستان ہائی کورٹ میں ایڈیشنل ججز کی تقرری کی منظوری دی گئی ہے۔
اس کے علاوہ سندھ ہائی کورٹ اور لاہور ہائی کورٹ کے ایڈیشنل ججز کی بطور مستقل ججز توثیق کی بھی منظوری دے دی گئی۔
صدر مملکت نے سپریم کورٹ کے ججز کی تنخواہوں، الاؤنسز اور پنشن کو وفاقی آئینی عدالت کے ججز کے مساوی کرنے کی بھی منظوری دی۔
یہ بھی پڑھیں: ٹرمپ کا ایران سے جنگی نقصانات کا معاوضہ لینے کا اعلان
اس کے ساتھ ہائی کورٹ کے ججز کی رخصت، پنشن اور مراعات سے متعلق 1997 کے حکم میں ترامیم کی منظوری بھی دے دی گئی۔
دوسری جانب صدر آصف علی زرداری نے ہارون اختر کو وزیراعظم کا مشیر برائے صنعت و پیداوار مقرر کرنے کی بھی منظوری دے دی۔
