مظفر آباد ( پاک ترک نیوز) یومِ آزادی کی آمد کے ساتھ ہی آزاد جموں و کشمیر کے نوجوانوں نے اہلیانِ وطن کو مبارکباد دیتے ہوئے پاکستان سے محبت، وفاداری، قربانی اور قومی یکجہتی کے عزم کا اعادہ کیا ہے۔
آزاد کشمیر کے نوجوانوں کا کہنا ہے کہ پاکستان ہمارے خوابوں کی تعبیر، امیدوں کا مرکز اور ہمارے دلوں کی دھڑکن ہے۔ وطن عزیز کی آزادی کے لیے دی جانے والی قربانیاں ہمارے لیے عزم و حوصلے کا سرچشمہ ہیں اور شہداء کا لہو کبھی فراموش نہیں کیا جائے گا۔
کشمیری نوجوانوں نے کہا کہ علم، کردار اور وطن کی خدمت ہماری منزل ہے، جبکہ سبز ہلالی پرچم اتحاد، وفا اور قربانی کا درس دیتا ہے۔
نوجوانوں کا کہنا تھا کہ پاکستان، سعودی عرب اور ترکیہ کے درمیان مکہ مشترکہ دفاعی معاہدہ امت مسلمہ کے اتحاد، باہمی اعتماد اور مشترکہ دفاع کی علامت ہے، جو خطے میں تعاون اور یکجہتی کے جذبے کو مزید مضبوط کرے گا۔
یہ بھی پڑھیں: ایچ ای سی کا دنیا کی ٹاپ 200 جامعات میں اسکالرشپس کا اعلان
آزاد کشمیر کے نوجوانوں نے اس عزم کا اظہار کیا کہ پاکستان میں امن، خوشحالی اور ترقی کا سفر مزید مضبوط ہو اور ہر پاکستانی روشن مستقبل کی امید کے ساتھ آگے بڑھے۔
کشمیری نوجوانوں نے کہا کہ یومِ آزادی صرف خوشی منانے کا دن نہیں بلکہ وطن سے وفا، اتحاد اور قومی ذمہ داریوں کی تجدید کا موقع بھی ہے۔
