اسلام آباد ( پاک ترک نیوز) ملک بھر میں بڑی آئل مارکیٹنگ کمپنیوں کی جانب سے ڈیوٹیز، ٹیکسز اور لیوی کی ادائیگی کے بغیر پیٹرولیم مصنوعات کی فروخت کا انکشاف ہوا ہے ،ڈیوٹیز، ٹیکسز اور لیوی کی عدم ادائیگی سے قومی خزانے کو اربوں کا چونا لگا دیا گیا ۔
قائمہ کمیٹی برائے کابینہ سیکرٹریٹ نے بانڈڈ پیٹرولیم مصنوعات کی غیر قانونی فروخت کا نوٹس لے لیا، پیٹرولیم مصنوعات کی غیر قانونی فروخت کے حوالے سے اوگرا چیئرمین سے بریفنگ طلب کر لی گئی
پیٹرولیم مصنوعات کی ترسیل، سٹوریج، اور او ایم سیز کی لائسنسنگ میں اوگرا کے کردار پر بریفنگ بھی طلب کی گئی ،دو او ایم سیز کی جانب سے بانڈڈ پیٹرولیم مصنوعات کی غیر قانونی فروخت کی تحقیقات کے حوالے سے تفصیلات بھی طلب کر لی گئیں ۔
یہ بھی پڑھیں: پٹرول مہنگا کیوں؟حکومت ایک لٹر پر کتنا کماتی ہے
قائمہ کمیٹی نے ایران امریکا جنگ کے باعث او ایم سیز کو حکومت کی جانب سے کی جانے والی ادائیگیوں کی تفصیلات بھی طلب کر لیں ۔قائمہ کمیٹی نے او ایم سیز کی جانب سے کئے جانے والے کلیمز اور ادائیگیوں کی مکمل فہرست طلب کر لی۔
قائمہ کمیٹی نے پیٹرولیم ڈیلرز کی جانب سے او ایم سی یکدم تبدیل کرنے کا بھی نوٹس لے لیا،قائمہ کمیٹی برائے کابینہ سیکرٹریٹ کا اجلاس 6 جولائی کو طلب کیا گیا ہے۔
