لندن(پاک ترک نیوز) امریکا اور ایران کے درمیان مذاکرات اور آبنائے ہرمز کھولنے سے متعلق غیر یقینی صورتحال کے باعث عالمی منڈی میں خام تیل کی قیمتوں میں نمایاں اضافہ ہوگیا۔
عالمی منڈی میں برطانوی خام تیل برینٹ کی قیمت میں 2.57 فیصد اضافہ ہوا، جس کے بعد برینٹ خام تیل 85 ڈالر 70 سینٹ فی بیرل پر پہنچ گیا۔
اسی طرح امریکی خام تیل ڈبلیو ٹی آئی کی قیمت میں بھی 2.52 فیصد اضافہ ریکارڈ کیا گیا، جس کے بعد امریکی خام تیل کی قیمت 80 ڈالر 15 سینٹ فی بیرل ہوگئی۔
عالمی مارکیٹ میں تیل کی قیمتوں میں اضافے کی بڑی وجہ امریکا اور ایران کے درمیان مذاکرات کے مستقبل سے متعلق غیر یقینی صورتحال کو قرار دیا جا رہا ہے۔
یہ بھی پڑھیں: آئل مارکیٹنگ کمپنیوں نے ایک کھرب 19ارب روپے کی سبسڈی مانگ لی
ماہرین کے مطابق آبنائے ہرمز کے ذریعے عالمی بحری تجارت کی بحالی سے متعلق ابہام بھی خام تیل کی قیمتوں پر اثر انداز ہو رہا ہے، کیونکہ آبنائے ہرمز عالمی سطح پر تیل کی ترسیل کا اہم بحری راستہ ہے۔
