کراچی ( پاک ترک نیوز) انمول پنکی کن کن سے رابطے میں تھے ہوشربا انکشافات سامنے آ گئے ۔
انمول پنکی میں رابطے میں رہنےوالے 881نمبر درج ہیں جن میں بڑے بڑے نام شامل ہیں ۔ فہرست میں بڑی کمپنیوں کے مالک ، پارٹی بوائز ،شوبز شخصیات کے ساتھ ساتھ سیاستدان اور بیورو کریٹس شامل ہیں ۔
ذرائع کا مزید کہنا ہے کہ ایڈیشنل آئی جی آزاد خان نے انمول پنکی کیس کو انتہائی سنگین مسئلہ قرار دیتے ہوئے واضح کیا کہ یہ صرف ایک عام جرم نہیں بلکہ ہماری آنے والی نسلوں کے مستقبل کا معاملہ ہے، اور پولیس اس کیس کی تفتیش بغیر کسی دباؤ کے مکمل میرٹ پر کر رہی ہے۔
پنکی سے منشیات خریدنے والوں کی فہرست میں بڑے بڑے کسٹرز شامل ہیں ۔پولیس حکام نے خریداروں کے نام ،گھر کے پتے اور نمبرز حاصل کر لئے گئے ۔اعلیٰ پولیس حکام اور اداروں نے ان کی لسٹ بھی فائنل کرلی ہے۔
ایڈیشنل آئی جی کا کہنا تھا کہ تفتیش مکمل ہونے سے پہلے یہ نہیں بتایا جا سکتا کہ ملزمہ انمول کے پیچھے کون ہے اور کون اس کی پشت پناہی کر رہا ہے؟ پولیس پر ملزمہ انمول سے متعلق کسی قسم کا کوئی سیاسی یا انتظامی دباؤ نہیں ہے تاہم تفتیش کے دوران جو بھی حقائق یا بااثر نام سامنے آئیں گے، ان کے خلاف قانون کے مطابق کارروائی ہو گی ،کسی کو بھی معاف نہیں کیا جائے گا۔
ان کا مزید کہنا تھا کہ کیس کی انکوائری ابھی بالکل ابتدائی مرحلے میں ہے ،کیس میں ابھی تفتیش کا آغاز کیا گیا ہے جسے مکمل طور پر میرٹ کی بنیاد پر آگے بڑھایا جائے گا۔
