کو کو رینا سے کلاسک تک ،احمد رشدی کی موسیقی کا سفر

لاہور( پاک ترک نیوز) لازوال آواز کے مالک احمد رشدی کا 88واں جنم دن ہے برصغیر کی موسیقی کی تاریخ میں احمد رشدی کا نام سب سے نمایاں حیثیت رکھتا ہے۔
اپنی منفرد طرزِ گائیکی، شوخ انداز اور ہر صنفِ موسیقی پر عبور رکھنے والے احمد رشدی نے اردو فلمی موسیقی کو ایک نئی سمت عطا کی۔احمد رشدی کو برصغیر میں پاپ سنگنگ کا بانی سمجھا جاتا ہے ،احمد رشدی کی آواز نے فلمی موسیقی میں جدت، توانائی اور جوانی کا رنگ بھر دیا۔ کیریئر کے دوران احمد رشدی نے 5 ہزار سے زائد گیت گائے ۔
ان کی آواز نے اردو کے ساتھ ساتھ پنجابی، بنگالی اور تامل زبانوں میں بھی سامعین کو متاثر کیا۔ان کے مشہور گیتوں میں“کوکو کورینا” بہت ہٹ ہوا ، چنچل اور رومانوی گیت ہوں یا درد بھری دھنیں، احمد رشدی نے ہر انداز کو اپنی آواز کے ذریعے ایک نئی شناخت دی۔ ان کی گائیکی میں توانائی، جذبات اور تکنیکی مہارت کا حسین امتزاج پایا جاتا تھا۔ ان کی آواز کو فلمی دنیا میں ایک “ورسٹائل پلے بیک سنگر” کے طور پر پہچانا جاتا تھا، جو ہر کردار اور ہر منظر کے مطابق خود کو ڈھال لیتے تھے۔1983 میں ان کے انتقال کے باوجود احمد رشدی کی آواز آج بھی سامعین کے دلوں میں زندہ ہے۔