اسلام آباد ( پاک ترک نیوز) خطے میں امن کے لئے پاکستان کی کاوشیں رنگ لے آئیں، امریکا ایران معاہدے کے لئے تیار ہو گئے ، دستخط کی تقریب جنیوا میں ہوگی، وزیراعظم شہبازشریف بھی شرکت کریں گے۔
وزیراعظم شہبازشریف نے کہا امن اب پہلے سے زیادہ قریب ہے، معاہدے پر دونوں فریقین اتفاق کر چکے، پاکستان دونوں فریقین کے ساتھ مل کر معاہدے کو حتمی شکل دینے کے لئے کام کر رہا ہے۔
وزیراعظم نے کہا پاکستان کی ثالثی کوششوں کے تناظر میں کچھ عناصر کی جانب سے غلط معلومات پھیلائی جا رہی ہیں، ہم امن عمل کو سبوتاژ کرنے کی کوششیں کرنے والے عناصر سے واقف ہیں۔
