لاہور( پاک ترک نیوز) سہ ملکی سیریز کا فاتح کون؟ فیصلہ کل ہوگا ۔
پاکستان اور سری لنکا ٹرافی کے حصول کے لیے فائنل میں آمنے سامنے ہوں گے۔ فیصلہ کن معرکہ کل لاہور کے قذافی اسٹیڈیم میں دوپہر ایک بجے شروع ہوگا۔
قومی ٹیم کی قیادت شاہین شاہ آفریدی جبکہ سری لنکا کی کپتانی کوشل مینڈس کریں گے۔فائنل سے قبل گورنر ہاؤس لاہور میں دونوں کپتانوں نے ٹرافی کے ہمراہ فوٹو شوٹ میں حصہ لیا۔
یہ بھی پڑھیں: نورین نیازی پی آئی سی اسپتال سے کوٹ لکھپت جیل منتقل
قومی کپتان شاہین شاہ آفریدی کا کہنا ہے کہ ٹیم نے اچھی کارکردگی دکھائی ہے، تاہم بعض شعبوں میں بہتری کی ضرورت ہے۔ ٹاپ آرڈر میں رنز بنانے اور بڑی شراکتیں قائم کرنے پر توجہ دینا ہوگی۔ شاہین شاہ آفریدی نے فائنل میں اچھی کارکردگی دکھانے کے لیے پُرامید ہونے کا اظہار بھی کیا۔
