اسلام آباد ( پاک ترک نیوز) بجٹ سازی کے لیے مشاورتی عمل آخری مراحل میں داخل ہو گیا ،پیپلز پارٹی اور ن لیگ کی تکنیکی کمیٹیوں کے مذاکرات جاری ہیں ۔
نائب وزیراعظم اسحاق ڈار مذاکرات کے بعد آج صدر آصف زرداری سے دوبارہ ملاقات کریں گے۔
ذرائع کے مطابق ملاقات میں صوبوں سے وفاق کو فنڈز کی فراہمی کے طریقہ کار پر بات چیت ہوگی۔ وفاق نے صوبوں سے 1700 ارب روپے مانگ رکھے ہیں۔
ذرائع کے مطابق کون سا صوبہ کس مد سے کٹوتی کرے گا اس بارے بھی فیصلہ ہوگا۔ تکنیکی کمیٹیوں نے اس حوالے سے اپنی اپنی سفارشات مرتب کی ہیں۔
