اسلام آباد(پاک ترک نیوز)صدرِ مملکت آصف علی زرداری نے بلوچستان کے ضلع واشک میں دہشت گردوں کے خلاف کامیاب کارروائی پر سیکیورٹی فورسز کو خراجِ تحسین پیش کیا ہے۔
صدر مملکت نے کہا کہ بلوچستان میں امن و امان کو نقصان پہنچانے اور عوام میں خوف و ہراس پھیلانے والے دہشت گرد عناصر کے خلاف مؤثر کارروائیاں جاری رکھی جائیں گی۔
آصف علی زرداری کا کہنا تھا کہ دہشت گردوں کے غیر ملکی سرپرستوں اور ان کے مقامی سہولت کاروں کی سازشوں کو ہر قیمت پر ناکام بنایا جائے گا۔
یہ بھی پڑھیں: اقرار الحسن کا جسمانی ریمانڈ عدالت میں چیلنج
صدر مملکت نے اس عزم کا اظہار کیا کہ ملک میں امن و سلامتی کے قیام اور عوام کے تحفظ کے لیے دہشت گردی کے خلاف کوششیں جاری رہیں گی۔
