لاہور سمیت تمام بڑے شہروں میں لین اور لائن کی پابندی یقینی بنانے کا ہدف مقرر

لاہور( پاک ترک نیوز) لاہور سمیت تمام بڑے شہروں میں لین اور لائن کی پابندی یقینی بنانے کا ہدف مقرر کردیا گیا۔
لاہور کے بڑے روڈز کو ٹریفک کے حوالے سے ماڈل بنانے کا فیصلہ کیا گیا ہے۔
ٹریفک پولیس موبائل گاڑیوں پر لگے کیمروں سے لین اور لائن کی پاپندی کی مانیٹرنگ کرنے کی ہدایت کی گئی ہے۔
زگ زیگ میں چلانے پرموٹرسائیکل تھانے میں تین دن بند رہے گی۔لین، لائن ڈسپلن، روڈ سائیڈ پارکنگ اور ون وے کی خلاف ورزی پر زیرو ٹالرنس پالیسی اپنائی جائے گی ۔
وزیراعلیٰ مریم نواز شریف کی عوام کو لین اور لائن سے متعلق بھرپور آگاہی دینے کی ہدایت کی ہے۔
وزیراعلیٰ مریم نواز شریف کی زیر صدارت خصوصی اجلاس، ٹریفک سے متعلق تفصیلی بریفنگ دی گئی۔ٹریفک پولیس نے 6 ماہ میں 5 لاکھ سے زائد چالان کیے اور ایک لاکھ سے زائد گاڑیاں پکڑیں۔ وزیراعلیٰ مریم نواز شریف نے سی ٹی او لاہور کو شہر کی ٹریفک میں بہتری لانے کا ہدف دے دیا۔ روڈز کی اطراف پر ناجائز پارکنگ کے سدباب کے لئے سخت اقدامات کی ہدایت کی گئی ۔
وزیراعلیٰ مریم نواز شریف کا لاہور میں غیر منظم ٹریفک ٹرینڈ پر اظہار اتشویش ،لاہور کی ٹریفک میں بہتری کے لئے فوری اقدامات یقینی بنانے کا حکم دیا۔
مریم نواز شریف کا کہنا تھا کہ قانون پر پابندی یقینی بنانے کےلئے چھوٹے بڑے روڈز پرکم عمر ڈرائیونگ کی روک تھام ضروری ہے۔