لاہور (پاک ترک نیوز ) پنجاب حکومت وفاقی حکومت کو مالیاتی ریلیف دینے پر تیار ہو گئی
ذرائع کے مطابق صوبہ وفاق کو 570 ارب روپے تک کی مالیاتی رعایت فراہم کر سکتا ہے تاکہ وفاقی حکومت مالیاتی خسارہ کم کرنے اور آئی ایم ایف کی شرائط پوری کرنے میں کامیاب ہو سکے۔
ذرائع کا کہنا ہے این ایف سی ایوارڈ کے تحت پنجاب کو قابل تقسیم محاصل میں سے 3793 ارب 70 کروڑ روپے ملنے کا تخمینہ لگایا گیا ہے،
پنجاب حکومت نے آئندہ مالی سال 2026-27 کے بجٹ کو حتمی شکل دے دی ہے، جس کا مجموعی حجم 5131 ارب روپے رکھا گیا ہے۔
صوبائی بجٹ میں سرکاری ملازمین کی تنخواہوں میں اضافہ وفاقی حکومت کی پالیسی کے مطابق کرنے کی تجویز دی گئی ، صوبائی محصولات کی مد میں 1330 ارب روپے آمدن متوقع ہے۔
بجٹ دستاویزات کے مطابق تنخواہوں کے لیے 650 ارب روپے، پنشن کے لیے 505 ارب 80 کروڑ روپے اور پنجاب فنانس کمیشن کے لیے 800 ارب روپے مختص کرنے کی سفارش کی گئی ہے۔
