پنجاب حکومت نے ایمیشن ٹیسٹنگ فیس کا اعلان کر دیا

لاہور( پاک ترک نیوز) پنجاب حکومت نے ایمیشن ٹیسٹنگ فیس کا اعلان کردیا ۔
پنجاب انوائرمنٹ پروٹیکشن اینڈ کلائمیٹ چینج ڈیپارٹمنٹ نے 10 نومبر سے گاڑیوں کیلئے ایمیشن ٹیسٹنگ فیس متعارف کرائی ہے۔
محکمہ کے نوٹیفکیشن کے مطابق نئے چارجز درج ذیل ہیں:ہزار سی سی گاڑی کی ایمیشن ٹیسٹنگ فیس 500روپے ،1001سے 1500سی سی کی فیس 800،1501سے 2500سی سی گاڑیوں کی فیس 1000روپے رکھی گئی ہے ۔ اسی طرح 2501سے 4500سی سی گاڑیوں سے ایمیشن فیس 1500روپے وصول کی جائے گی جبکہ 4500سی سی سے بڑی گاڑیوں کی فیس 2000روپے مقرر کی گئی ہے ۔
محکمہ نے کہا کہ فیس کو ای-پے سسٹم کے ذریعے آن لائن ادا کرنا ہوگا، اور صارف کے رجسٹرڈ موبائل نمبر پر ادائیگی کا تصدیقی پیغام بھیجا جائے گا۔
گاڑی چلانے والوں کو ہدایت کی گئی ہے کہ وہ اخراج ٹیسٹ کے لیے اپنا شناختی کارڈ لے کر آئیں۔