لاہور( پاک ترک نیوز) پاکستان ٹیلی کمیونیکیشن اتھارٹی (پی ٹی اے) اور وفاقی تحقیقاتی ادارے (ایف آئی اے) نے لاہور میں غیر قانونی طور پر انٹرنیٹ سروس فراہم کرنے والے ادارے کے خلاف مشترکہ کارروائی کرتے ہوئے ایک شخص کو گرفتار کرلیا۔پی ٹی اے زونل آفس لاہور اور ایف آئی اے کارپوریٹ کرائم سرکل لاہور نے کاہنہ نو، فیروزپور روڈ میں قائم فرنٹ اینڈ انٹرنیٹ (ایس ایم سی پرائیویٹ لمیٹڈ) کے دفتر پر چھاپہ مارا۔حکام کے مطابق مذکورہ کمپنی مبینہ طور پر پی ٹی اے کے مؤثر لائسنس کے بغیر انٹرنیٹ سروسز فراہم کررہی تھی۔
یہ بھی پڑھیں: ماضی کے جرم کی سزا نئے قانون کے مطابق نہیں دی جاسکتی، لاہور ہائیکورٹ
کارروائی کے دوران ایک شخص کو حراست میں لے لیا گیا جبکہ موقع سے انٹرنیٹ سروس سے متعلق مختلف آلات اور ریکارڈ بھی قبضے میں لے لیا گیا۔حکام نے کارروائی کے دوران 2 سسکو سوئچز، 5 جی پی او این او ایل ٹیز، 19 پیچ کیبلز، 3 کیش میمو بکس اور ایک لیپ ٹاپ قبضے میں لے لیا۔
