بانی پی ٹی آئی کا جیل میں طبی معائنہ، انتظامیہ نے اہلخانہ ،وکلاء کو پھر ملاقات سے روک دیا

راولپنڈی (پاک ترک نیوز ) بانی پی ٹی آئی کا جیل میں طبی معائنہ کیا گیا ہے ،ڈاکٹر عارف، ڈاکٹر ندیم قریشی اور دیگر ڈاکٹرز پر مشتمل ٹیم نے چیک اپ کیا ،
ادھر بانی پی ٹی آئی بشریٰ بی بی کو ایک بار پھر وکلاء اور فیملی سے ملنے سے روک دیا گیا ،وزیراعلیٰ خیبر پختونخوا سہیل آفریدی کا کہنا ہےہم آج بھی پرامن طریقے سے عمران خان سے ملاقات کے لیے آئے ہیں، کارکنوں نے ہر موقع پر تحمل کا مظاہرہ کیا،ایک صوبے کے چیف ایگزیکٹو اور پوری کابینہ کو راستے میں روکنا صوبے کے ساتھ امتیازی سلوک ہے

سہیل آفریدی نےکہاکیا خیبرپختونخوا کے عوام اتنے کمزور ہیں کہ ان کے حقوق مسلسل سلب کیے جائیں،فسطائی حکومت کبھی گندم روکتی ہے، کبھی گیس بند کرتی ہے، کبھی بجلی روکتی ہے اور اب منتخب صوبائی قیادت کا راستہ بھی روک دیا گیا ۔خیبر پختونخوا کے ساتھ یہ امتیازی سلوک مزید برداشت نہیں کریں گے