لاہور(پاک ترک نیوز )نہ قطار ،نہ ہی گھنٹوں انتظار ،،جہاز سے اتر کر سامان لینے کی جھنجھٹ بھی ختم ،اب یہ سب کام ہونگے منٹوں میں
لاہور ایئر پورٹ پر اندرون اور بیرون ممالک جانے اور آنے والے ہزاروں لاکھوں مسافروں کے لیے نیا ٹرمینل تکمیل کے آخری مراحل میں داخل ہو گیا ،نئے ٹرمینل پر مسافروں کو جدید ترین ٹیکنالوجی سے آراستہ سہولیات رواں برس فراہم کر دی جائیں گی۔ علامہ اقبال انٹرنیشنل ایئرپورٹ پر نیا ٹرمینل بننے سے مسافروں کی گنجائش ایک کروڑ سالانہ ہو جائے گی پہلے یہ تعداد پچاس لاکھ تھی ۔
یہ بھی پڑھیں : جعلی نمبر پلیٹس اور ای چالان ڈیفالٹرز ہو جائیں تیار
پراجیکٹ ڈائریکٹر توقیر اقبال کے مطابق یہ منصوبہ رواں برس مکمل کر لیا جائے گا جس پر 26 ارب روپے کے اخراجات ہونگے۔نئے ٹرمینل کی بلڈنگ انفراسٹرکچر مکمل ہوگیا ہے ۔نئے ٹرمینل میں روانگی اور آمد کے کاؤنٹر ز کی تعداد میں 144 کا اضافہ ہو جائے گا ۔ کمرشل ایریا بھی بڑھ جائے گا جہاں مقامی اور ملٹی نیشنل برینڈ اپنے آؤٹ لیٹس بنا سکیں گے۔
پراجیکٹ ڈائریکٹر توقیر اقبال نے بتایا کہ مسافروں کو وہ تمام سہولیات فراہم کی جارہی ہیں جو دیگر ممالک میں مسافروں کو ائیرپورٹ پر فراہم کی جاتی ہیں۔کاؤنٹر کی تعداد آنے اور جانے والے مسافروں کے لیے اتنی ہو جائے گی کہ اب علامہ اقبال انٹرنیشنل ایئرپورٹ پر ایک ساتھ کئی پروازیں لینڈ اور ٹیک اف کر سکیں گی۔ موسم چاہے کوئی بھی ہو مسافروں کے سامان کو فوری ان تک پہنچانے کے لیے کنوئیر بلٹ کی تعداد بھی پانچ ہو جائیں گی ،ائیر لائنز کے جہازوں کی پارکنگ جگہ میں بھی اضافہ کر دیا گیا ہے مزید چار سے پانچ جہاز بآسانی پارک ہو سکیں گے ۔منٹوں میں مسافروں کے بورڈنگ پاس ان کے ہاتھوں میں ہونگے اس کے علاؤہ بورڈنگ کارڈ مشین بھی نصب کر دی گئی ہیں ۔
