لاہور (پاک ترک نیوز )فلم سٹی کا بل منظوری کے لیے پنجاب اسمبلی میں پیش کر دیا گیا ،اپوزیشن ارکان کی طرف سے احتجاج کیا گیا ،اپوزیشن رکن اعجاز شفیع نے تنقید کرتے ہوئے کہا ایجوکیشن اور ہیلتھ کے فنڈز کاٹ کر فلم سٹی بنایا جارہا ہے ، ،فلم انڈسٹری پر باہر سے بندے بھرتی کرنے کی ضرورت نہیں ہو گی، جنہوں نے پاک بھارت جنگ ڈیزائن کی تھی ان کو ڈائیریکٹر رکھ لیں، گانے کے لیے بھی باہر سے بند لانے کی ضرورت نہیں، میاں شہباز شریف اور میاں حمزہ شہباز کو گانے کا بہت شوق ہے
اسپیکر پنجاب اسمبلی نے کہاشہباز شریف ، حمزہ شہباز اچھا گاتے ہیں،اگر اللہ نے انہیں آواز اچھی دی ہے تو اس میں آپ کو کیا مسئلہ ہے
یہ بھی پڑھیں: پنجاب اسمبلی ،وزیراعظم،فیلڈمارشل کو خراج تحسین پیش کرنے کی قرارداد منظور
سینئر وزیر مریم اورنگزیب نے کہا اعجاز شفیع کی ایک بھی بات ٹھیک نہیں، ہمیں کسی کی شخصیت کا سہارا لینے کی ضرورت نہیں لوگوں کو بتانے کے لئے ہمارے پاس بہت چیزیں ہیں، یہ ایوان ہے یہاں ہر بات سچ ہونی چاہئیے،سیاسی باتیں اس ایوان سے باہر کر لیں گے،سکول ایجوکیشن کا بجٹ ان کی حکومت میں 30 ارب تھا اب 130 ارب ہے، جو ریفارمز مریم نواز نے کئے وہ کوئی سوچ بھی نہیں سکتا،اس وقت ہیلتھ کا بجٹ ان کی حکومت سے 400 فیصد زیادہ ہے
