اسلام آباد (پاک ترک نیوز )پٹرولیم مصنوعات کی قیمتوں میں اضافہ آئینی عدالت میں چیلنج کر دیا گیا ،درخواست میں حکومت کو پٹرول اور ڈیزل کی قیمت 200 روپے فی لیٹر مقرر کرنے کا حکم دینے کی استدعا کی گئی ہے۔درخواست میں حکومت پاکستان اور سیکرٹری اسٹیبلشمنٹ ڈویژن کو فریق بنایا گیا ہے
یہ بھی پڑھیں:حکومت ایک لٹر پٹرول پر کتنا ٹیکس لیتی ہے
درخواست گزار نے موقف اختیار کیا کہ حکومت کو حکم دیا جائے کہ پٹرولیم مصنوعات ایران سے خریدی جائیں، عدالت خلیجی ممالک سے رعائتی داموں پٹرولیم مصنوعات لینے کی کوشش کا حکم دے،
درخواست میں کہا گیا غریب ملک میں پٹرول اور ڈیزل کی قیمت چار سو روپے تک پہنچنا ظلم ہے، جنگ اور آبنائے ہرمز کی صورتحال اور آئی ایم ایف کے نام پر قیمتیں بڑھانے کا بہانہ بنایا جا رہا ہے، پٹرول اور ڈیزل کی قیمتوں میں ہوشربا اضافہ عام آدمی کی زندگی تباہ کر رہا ہے،پٹرولیم قیمتوں میں حالیہ اضافہ آئین کی خلاف ورزی ہے۔
